کراچی کے قریب فشری میں لنگر انداز لنچ میں بدھ کی صبح آگ لگ گئی۔ کئی گھنٹوں کی جدوجہد کے بعد آگ پر قابو پالیا گیا۔
اس وقت کولنگ کا عمل جاری ہے۔
فائر فائٹرز نے بتایا کہ آگ کالا پانی کی برتھ نمبر سات اور آٹھ سے لگی۔ آگ لگنے سے ایک لانچ مکمل طور پر جل کر خاکستر ہو گئی جبکہ تین دیگر 50 فیصد تباہ ہو گئیں۔
فشری سیکیورٹی حکام کے مطابق آگ تیز ہواؤں کی وجہ سے پھیل گئی جس سے آگ بجھانے کے آپریشن میں مشکلات کا سامنا کرنا پڑا۔ آگ بجھانے کے لیے مختلف مراکز سے فائر بریگیڈ کی کم از کم پانچ گاڑیوں نے حصہ لیا، جن میں ایک واٹر باؤزر بھی شامل تھا۔
فشرمین کوآپریٹو ہاؤسنگ سوسائٹی کے عملے نے بھی آگ بجھانے کے آپریشن میں حصہ لیا۔
دریں اثناء آگ بجھانے کے آپریشن میں مشکلات کا سامنا کرنا پڑا کیونکہ سول اسپتال کے قریب واقع عیدگاہ فائر بریگیڈ ہیڈ کوارٹر سے بجلی کی فراہمی میں خلل پڑنے سے گاڑیوں کو پانی نہیں مل سکا۔
فائر بریگیڈ آپریٹر کے مطابق، چونکہ فائر بریگیڈ ہیڈ کوارٹر میں فائر ٹینڈرز کو پانی سے بھرا نہیں جا سکتا تھا، اس لیے کراچی پورٹ ٹرسٹ اور پاکستان نیوی سے آگ بجھانے کے آپریشن میں مدد کے لیے رابطہ کیا گیا۔
0 تبصرے